Palmer «Chelsi»da Mudrikning 10-raqamini oldi

«Chelsi» o‘zining rasmiy veb-saytida futbolchilarning 2025/26 yilgi mavsumi uchun o‘yin raqamlarini e’lon qildi.

O‘yinchilar ro‘yxatida doping qoidalarini buzganligi sababli futboldan chetlashtirilgan ukrainalik qanot hujumchisi Mixail Mudrik yo‘q. Uning 10-raqamini hujumchi Koul Palmer oldi.

Bundan oldin, Angliya Premyer-ligasi (APL) «Chelsi»ning 2025/26 yilgi mavsum uchun qaydnomasini e’lon qilgan edi, unda Mudrik ham bor edi.

Ilgari xabar qilinishicha, agar Mudrik doping iste’mol qilishda aybdor deb topilsa, «Chelsi» shartnoma shartlarini buzganligi uchun undan tovon puli talab qilish maqsadida futbolchini sudga berishi mumkin edi.

Yangilik manbasi – https://stadion.uz/