«Tottenxem» bosh murabbiyi Sonning kelajagi haqida gapirdi

«Tottenxem» hujumchisi Son Xyon Minning kelajagi hamon aniq emas. 33 yoshli «shporlar» sardorining shartnomasi bir yildan so‘ng o‘z nihoyasiga yetadi. OAVda hujumchi joriy transfer oynasida ketishi mumkinligi haqida ma’lumotlar muntazam paydo bo‘lmoqda.

«Son a’lo darajada mashq qilmoqda,ertaga «Reding» bilan o‘rtoqlik o‘yinida u maydonga tushadi. Albatta, futbolchi klubda shuncha vaqt o‘tkazganidan keyin kelajak haqida qaror qabul qilish har doim ham oson emas. Futbolchilarning ketishi jiddiy oqibatlarga olib kelishi mumkin, ammo yakuniy tanlov klubda qoladi,» – dedi Frank intervyuda.

Son Xyon Min 2015 yildan beri «Tottenxem» sharafini himoya qilmoqda. Tomas Frank shu yilning yozida ishdan bo‘shatilgan Ange Postekogluning o‘rnini egalladi.

Yangilik manbasi – https://stadion.uz/