«Barselona» hujumchisini 20 mln yevroga sotmoqchi

Kataloniyaning «Barselona» klubi yana bir yosh hujumchisini sotishi mumkin.

The Athletic xabariga ko‘ra, 23 yoshli Pau Viktor ko‘proq o‘yin amaliyotiga ega bo‘lish maqsadida klubini o‘zgartirish haqida o‘ylamoqda. «Blaugrana» rahbariyati takliflarni eshitishga tayyor – agar munosib variant kelsa, transfer kutilmagan hodisa bo‘lmaydi. Bugungi kunda Pau Viktorning transfer narxi 20 million yevroga baholanmoqda. Shu bilan birga, futbolchiga potensial xaridorlar ham, ijaraga qiziqayotgan klublar ham qiziqish bildirmoqda.

Pau bilan bir qatorda, katta ehtimol bilan, bu yozda klub bilan yarim himoyachi Pablo Torre ham xayrlashadi, u allaqachon jamoaning hozirgi holatida o‘zi uchun istiqbol ko‘rmayotganini ma’lum qilgan.

Yangilik manbasi – https://stadion.uz/