Shesni «Barselona» o‘yinidan zavq olmoqda

«Barselona» darvozaboni Voysex Shesni jamoasining o‘yinidan olgan zavqi bilan o‘rtoqlashdi.

34 yoshli polyakning tan olishicha, Xans-Diter Flikning «Barsa»si u darvozasini himoya qilgan jamoalar orasida eng chiroyli futbol namoyish etmoqda.

«Shubhasiz, shunday. Yana shuni aytishim mumkinki, bu men eng ko‘p zavq olayotgan jamoam. Men bu yerda 19 ta o‘yin o‘tkazib, birorta ham mag‘lubiyatga uchramadim,» – deya darvozabonning so‘zlarini keltiradi ispan OAV.

Voysex Shesni o‘tgan yilning oktyabr oyidan buyon «Barselona» sharafini himoya qilib kelmoqda. Yuqorida tilga olingan 19 ta o‘yinda u 17 ta gol o‘tkazib yubordi va o‘n marta darvozani daxlsiz saqlab qoldi.

Yangilik manbasi – https://stadion.uz/