«Barselona» Chempionlar Ligasida 9 o‘yinda mag‘lubiyatga uchramadi – bunday holat olti yildan beri kuzatilmagan

Kataloniyaning «Barselona» klubi «Benfika»ni ikkala o‘yinda ham yengib, Chempionlar Ligasi chorak finaliga yo‘l oldi. Shu tariqa, Kataloniya superklubi Chempionlar ligasidagi mag‘lubiyatsiz seriyasini to‘qqizta o‘yinga yetkazdi – so‘nggi mag‘lubiyat joriy mavsumning birinchi o‘yinida bo‘lgan, o‘shanda «Barsa» deyarli butun o‘yinni bir kishi kam bo‘lib o‘tkazib, «Monako»ga yutqazgandi.

Oxirgi marta jamoa 2018/2019 yilgi mavsumda Yevropaning eng nufuzli klublar o‘rtasidagi futbol turnirida uzoqroq mag‘lubiyatsiz seriyaga ega bo‘lgan. O‘shanda «Barsa» o‘n bitta o‘yinda yutqazmagan.

Yangilik manbasi – https://stadion.uz/