«Napoli» PSV hujumchisini o‘z safiga qo‘shib olmoqchi

«Napoli» PSV bilan Noa Langni sotib olish borasida muzokaralar olib bormoqda.

Niderlandiyaning Telegraaf gazetasi Neapol klubi juda jiddiy ekanligini va Noa Lang uchun PSVga 25 million yevro taklif qilganini yozdi. Hujumchi A Seriya klubiga o‘tmoqchi. Ammo «qizil-oqlar» o‘z futbolchisini transfer oynasi yopilguncha qo‘yib yuborishni istamayapti. Klublar o‘rtasida muzokaralar davom etmoqda.

Noa Lang joriy mavsumda PSV safida barcha turnirlarda 26 ta o‘yin o‘tkazib, 6 ta gol urdi va 8 ta golli uzatmani amalga oshirdi.

Yangilik manbasi – https://stadion.uz/