Enso Mareska: «Biz unga ishonishda davom etamiz»

«Chelsi» bosh murabbiyi Enso Mareska jamoa darvozaboni Robert Sanchesning «Manchester Siti»ga qarshi o‘yinda yo‘l qo‘ygan xatosi haqida gapirdi. Angliya chempionatining 23-turidan o‘rin olgan uchrashuv 3:1 hisobida «shaharliklar» foydasiga hal bo‘ldi.

– Biz Robert Sanchesga ishonamiz. U ayni damda xatoga yo‘l qo‘yayotganini to‘liq anglaydi. Bizda butun bir hafta bor, uning munosabatini keyingi o‘yinda ko‘ramiz», – deya Mareska so‘zlarini keltiradi jurnalist Fabrisio Romano.

Joriy mavsumda ispaniyalik darvozabon Angliya Premyer-ligasida 21 ta o‘yin o‘tkazib, 27 ta gol o‘tkazib yubordi va 4 bor darvozasi dahlsizligini saqlab qoldi.

Yangilik manbasi – https://stadion.uz/