Premyer-liganing ikki klubi La Liganing istiqbolli yarim himoyachisiga jiddiy qiziqish bildirmoqda

Premyer-liganing ikki klubi «Real Betis«ning istiqbolli yarim himoyachisini sotib olish borasida jiddiy o‘ylashmoqda.

Ispaniyaning «Relevo» nashri xabariga ko‘ra, «Real Betis«dan Jonni Kardosoni sotib olishga jiddiy qiziqish bildirayotgan ingliz jamoalaridan biri bu «Vulverxempton«. Qayd etilishicha, 23 yoshli yarim himoyachini sotib olish imkoniyati ular uchun juda qiyin shartnoma.

Ma’lumki, Londonning «Tottenxem» klubi oldinroq «Betis» bilan istiqbolli amerikalik futbolchining transferi borasida kelishib olgan edi. Klub va futbolchi o‘rtasidagi hujjatlar ham allaqachon kelishib olindi. Agar «shporlar» rahbariyati 23 yoshli futbolchini sotib olishga qaror qilsa, uning uchun 25 million yevro to‘laydi.

Yangilik manbasi – https://stadion.uz/