Lukas Vaskes: «G‘alaba chanqoqlik bizni harakatga keltiradi»

«Real» futbolchisi Lukas Vakes Ispaniya Superkubogi yarim finalidan oldin matbuot savollariga javob berdi.

Motivasiya haqida
«Biz g‘alabalarni davom ettirishni istaymiz – ertaga bizda Superkubok finaliga chiqish imkoniyati bo‘ladi. Bu bizning asosiy maqsadimiz. G‘alaba chanqoqlik bizni harakatga keltiradi».

Sardorlik haqida
«Madrid» sardorlik bog‘ichini taqish men uchun katta sharaf. Ko‘pchilik bunday orzu qiladi, va men bu orzumni amalga oshirishga muvaffaq bo‘ldim. Sardor bo‘lish katta mas’uliyat».

Kelasi mavsum haqida
«Hozircha kelgusi mavsum haqida gapirishga erta. Men «Madrid»da baxtiyorman va mavsumdan zavq olyapman. Nima bo‘lishini ko‘ramiz, hozircha aniq hech narsa ayta olmayman».

Karvaxal haqida
«Karvaxalning jarohati biz uchun jiddiy yo‘qotish. Men dunyoning eng yaxshi klubida barchaga qo‘limdan kelgan yordamni berishga harakat qilyapman».

O‘yin haqida
«Biz uchun bu sovrinni qo‘lga kiritish imkoniyati. Biz finalga chiqishni va g‘alaba qozonishni juda xohlaymiz. Oldimizda ko‘p maqsadlar bor va har birini jiddiy qabul qilamiz».

«Malyorka» haqida
«Biz raqibni yaxshi bilamiz. Bu jamoa yakdil bo‘lib harakat qiladi, ular to‘p bilan ham, undan tashqarida ham ajoyib o‘ynaydi. Bu mavsum ular juda yaxshi formada».

Trent haqida
«Siz mendan «Real Madrid»da o‘ynamaydigan futbolchi haqida so‘rayapsiz. Men bu borada hech nima ayta olmayman, faqat ertangi o‘yinga diqqatimizni qaratayotganimizni aytsam bo‘ladi».

Yangilik manbasi – https://stadion.uz/