Ernesto Valverde: «Barselona» ustunlik qilishda davom etadi»

«Atletik Bilbao» bosh murabbiyi Ernesto Valverde jamoasi «Barselona»ga qarshi o‘ynaydigan Ispaniya Superkubogi yarim finalidan umidlari bilan o‘rtoqlashdi.

«Biz ushbu Superkubokni intiqlik bilan kutmoqdamiz. Bizning maqsadimiz o‘zimizga bog‘liq bo‘lgan hamma narsani qilishga harakat qilishdir. Bizni ajoyib raqibga qarshi qiyin o‘yin kutib turgani aniq. Mavsumning birinchi qismida «Barselona» aql bovar qilmaydigan standart o‘rnatdi, ularga qarshilik ko‘rsatishning iloji yo‘q edi, ammo so‘nggi bir yarim oy ichida ular kerakli natijaga erisha olmadi. Ammo shuni ta’kidlash kerakki, ular maydonda ustunlik qilishda davom etishadi», – deya Valverde so‘zlarini keltiradi klub matbuot xizmati.

Bugun, 8 yanvar kuni Saudiya Arabistonida «Atletik Bilbao» va «Barselona» jamoalari o‘zaro bahs olib borishadi.

Yangilik manbasi – https://stadion.uz/