Ranyeri yilni sarhisob qildi: «Hech kimning sehrli tayoqchasi yo‘q»

«Roma» bosh murabbiyi Klaudio Ranyeri yil yakunlarini sarhisob qildi.

«Kalyari» bilan A Seriyada qolganimiz yaxshi bo‘ldi. Keyin men dam olishga va oilam bilan sayohat qilishga qaror qildim, ammo «Roma» bilan variant paydo bo‘ldi. Mavsum o‘rtasida jamoani qabul qilib olsangiz, har doim tartibsizlik bo‘ladi, futbolchilarning ruhiyati eng yaxshi darajada emas. Men ularning xohishini qaytarishga va tabassum qilishga harakat qildim.

Angliyada Rim bir kechada qurilmagan, deyishadi. Hech kimning sehrli tayoqchasi yo‘q. Mendan vaziyatni barqarorlashtirishni va klubga maslahatchi bo‘lishni so‘rashdi. Menga «Chelsi»da bunday lavozimni taklif qilishgan edi, lekin men rad etdim», – deydi Ranyeri.

Yangilik manbasi – https://stadion.uz/