Rasman: «Valensiya»ga yangi bosh murabbiy tayinlandi

Ispaniyaning «Valensiya» klubi rasmiy sayti jamoaning yangi bosh murabbiyi nomini e’lon qildi. 41 yoshli mutaxassis Karlos Korberan yangi bosh murabbiy bo‘ldi, u 2022 yilning oktabridan buyon Angliya chempionatining «Vest Bromvich» klubida ishlab kelayotgandi. U bilan shartnoma 2027 yilgacha tuzilgan.

Qayd etilishicha, Korberanning «Vest Bromvich»dan ketishini ta’minlash maqsadida «ko‘rshapalaklar» rahbariyati uning Britaniya klubi bilan kelishuvida tovon puli variantni faollashtirgan.

Avvalroq, klubda futbolchi sifatida 10 yil to‘p surgan 49 yoshli sobiq yarim himoyachi Ruben Baraxa «Valensiya» bosh murabbiyligidan ozod etilgani ma’lum bo‘lgandi.

Yangilik manbasi – https://stadion.uz/