Xulian Alvares joriy mavsum gollari soni bo‘yicha Mbappeni ortda qoldirdi

Baho:

+ | –

YEVROPA / Futbolchilar / Voqealar Rukn: Yangiliklar A A A

Madridning «Atletiko» klubi hujumchisi Xulian Alvares yana gol urdi.

Argentinalik futbolchi Ispaniya kubogi doirasidagi «Kaserenyo»ga qarshi o‘yinda ikkinchi bo‘lim boshlanishidan oldin zaxiradan maydonga tushdi va o‘yin yakuniga qadar gol va golli uzatmani amalga oshirishga muvaffaq bo‘ldi. 24 yoshli forvardning sa’y-harakati evaziga «matraschilar» o‘yinni tubdan o‘zgartirib, irodali g‘alabani qo‘lga kiritishdi – 3:1.

E’tiborlisi, Alvares joriy mavsumda barcha musobaqalarda urgan gollari soni 11 taga yetdi – bu «Real» hujumchisi Kilian Mbappedan (10 ta) ko‘p. Har ikki futbolchi Ispaniyada debyut mavsumlarini o‘tkazmoqda.

Xulian Alvares «Manchester Siti»dan «Atletiko»ga o‘tdi, Kilian Mbappe esa «PSJ»ni «Real»ga almashtirdi.

Yangilik manbasi – https://stadion.uz/

Chip Stapleton

Kopirayter