«Manchester Siti» o‘tgan mavsum boshidan beri Rodrisiz Premyer-ligadagi 15 o‘yindan 7 tasida mag‘lub bo‘lgan

«Manchester Siti» jarohati sabab safdan chiqqan Rodrining o‘rinbosarini topa olmayapti.

Ispaniyalik yarim himoyachi sentyabr oyida jarohat olgandi – katta ehtimol bilan u hech bo‘lmaganda bahorgacha maydonga tushmaydi. Umuman olganda, o‘tgan mavsum boshidan beri «Siti» Rodri maydonda bo‘lmaganida Premyer-ligadagi 15 o‘yinning 7 tasida mag‘lub bo‘ldi. Asosiy yarim himoyachiga ega bo‘lgan jamoa shu vaqt ichida chempionatda 36 o‘yin o‘tkazib, birorta ham mag‘lubiyat alamini totib ko‘rmagandi.

Yakshanba kuni «Manchester Siti» «Liverpul»ga yutqazdi (0:2). Bu Pep Gvardiola jamoasining Premyer-ligadagi qatorasiga to‘rtinchi mag‘lubiyatidir.

Yangilik manbasi – https://stadion.uz/