Anchelotti: “Men “Everton” muxlisiman»

«Real Madrid» bosh murabbiyi Karlo Anchelotti «Liverpul» bilan bo‘lib o‘tadigan Chempionlar ligasi umumiy bosqichi 5-tur uchrashuvi haqida gapirdi. O‘yin bugun, 27 noyabr kuni bo‘lib o‘tadi.

«Agar bo‘lajak o‘yin haqida gapiradigan bo‘lsak, bu ajoyib o‘yin bo‘ladi. Bu o‘yin biz uchun haqiqatdan ham juda muhim, chunki imkon qadar ko‘proq ochko olishimiz kerak. Kuchli sakkizlikka kira olamizmi, bilmayman, chunki biz allaqachon ikki marta yutqazganmiz…

Uchrashuv keskin o‘tadi, biz tarix jihatidan ikkita buyuk klubmiz. Bizda har xil xususiyatlar bor va kim o‘z o‘yinini majburlay olishini ko‘ramiz. «Liverpul» har doim juda kuchli – Klopp davrida ham shunday bo‘lgan, yangi murabbiy Slot davrida ham shunday bo‘ladi. «Liverpul» haqidagi fikrim? Men «Everton», – deydi Anchelotti.

Eslatib o‘tamiz, Anchelotti avvalroq 2019 yildan 2021 yilgacha APLda «Everton»ni boshqargan.

Yangilik manbasi – https://stadion.uz/