Amorim «Manchester Yunayted»da nimalarni o‘zgartirish kerakligini aytdi

«Manchester Yunayted» bosh murabbiyi Ruben Amorim ingliz klubida nimalarni o‘zgartirish kerakligi haqidagi savolga javob berdi.  

«Biz ko‘plab sohalarda rivojlanishimiz kerak. Bilaman, o‘yin uslubimizni o‘zgartirishimiz zarur. Shuningdek, jamoaning jismoniy holatini ham yaxshilash zarur.  

Bu qancha vaqtni oladi, aniq ayta olmayman, lekin shuni ayta olamanki, «Manchester Yunayted» g‘alaba qozonishi shart. Biroz vaqt kerak bo‘ladi, chunki APL qiyin liga. Chempionlik uchun kurash olib borish uchun ko‘p narsani yaxshilashga to‘g‘ri keladi», – dedi Amorim Sky Sports nashriga bergan intervyusida.  

2024 yil noyabrida Ruben Amorim «Manchester Yunayted» bosh murabbiyi etib tayinlangani ma’lum bo‘ldi. Uning shartnomasi 2027 yil iyunigacha amal qiladi va tomonlar uni bir mavsumga uzaytirish imkoniyatiga ega. Angliya klubi «Sporting» jamoasiga Amorim va uning murabbiylar shtabi uchun 11 million yevro to‘ladi.

Manba: championat.com

Yangilik manbasi – https://stadion.uz/