Vinisius jahon chempionati saralashida hech nima qilolmayapti

Vinisius Junior Braziliya terma jamoasi safida JCH-2026 saralashida ketma-ket 7 uchrashuvdan beri gol ura olmayapti.

Braziliya terma jamoasi JCH-2026 saralash bosqichida Urugvay bilan durang o‘ynadi (1:1).

«Real Madrid» sharafini himoya qiladigan Vinisius butun o‘yinni maydonda o‘tkazdi, ammo hech qanday samarali harakatlarni amalga oshira olmadi.

Shu tariqa, vinger Braziliya termasi safida barcha musobaqalarda o‘tkazgan so‘nggi beshta o‘yinida gol va golli uzatmasiz qoldi.

Joriy jahon chempionati saralashida u yettita o‘yinda bir marta ham gol ura olmadi. Umuman olganda, Vinisius terma jamoa safida 37 ta o‘yinda 5 ta gol urgan.

Yangilik manbasi – https://stadion.uz/