Ten Xag Xyoylunning sport formasi haqida gapirdi

«Manchester Yunayted» hujumchisi Rasmus Xyoylunn yaqinda jarohatidan forig‘ bo‘ldi.

21 sentyabr kuni norvegiyalik futbolchi joriy mavsumda ilk bor «Kristal Pelas»ga qarshi o‘yinda zaxiradan maydonga tushdi. Payshanba kuni forvard «Portu» darvozasiga gol urdi – 21 yoshli futbolchi uchun bu joriy mavsumda birinchi gol bo‘ldi.

«Xyoylunning qaytishi meni juda xursand qildi. Umid qilamanki, u ikki oylik tanaffusdan so‘ng formasiga qaytadi. Bizga u kerak. Rasmus jismonan o‘zini yaxshi his qilmoqda va biz uchun uning holati mavsum davomida doimiy yuqori darajada bo‘lishi muhim», – deya ten Xagning so‘zlarini keltiradi insayder Fabrisio Romano.

Yangilik manbasi – https://stadion.uz/