Slot «Liverpul»ning uch yulduzi haqidagi savolga zerikarli javob berdi

«Liverpul» bosh murabbiyi Arne Slot himoyachilar Virjil van Deyk va Trent Aleksandr-Arnold, shuningdek, hujumchi Muhammad Salohning kelajagi bilan bog‘liq vaziyat haqidagi savolga javob berdi. Bu futbolchilarning amaldagi mehnat shartnomalari 2025 yilning o‘rtalarigacha amal qiladi.

«Bu savolga mendan yana zerikarli javob olasiz. Biz bu yerda futbolchi shartnomasi yangiliklarini muhokama qilmaymiz. Ularning vaziyatlari hech qanday tarzda to‘sqinlik qilmaydi. Biz bir jamoa bo‘lib ishlaymiz va har bir o‘yinchidan eng yaxshi natijani olishga harakat qilamiz», dedi Slot juma kungi matbuot anjumanida.

“Liverpul” navbatdagi Premyer-liga o‘yinini 14 sentyabr, shanba kuni “Nottingem Forest”ga qarshi o‘tkazadi.

Yangilik manbasi – https://stadion.uz/