«Milan» futbolchisi jiddiy jarohat oldi

Ismoil Bennaserning jarohati jiddiy bo‘lib chiqdi.

Bugun yarim himoyachi Jazoir terma jamoasi bilan mashg‘ulot vaqtida jarohat olgani va Liberiya bilan o‘yinni o‘tkazib yuborishi malum bo‘ldi. Tez orada u «Milan»ga jo‘nab ketadi.

«Sky Sports Italia» xabariga ko‘ra, Afrika terma jamoasi tibbiyot xodimlari futbolchiga boldir mushaklarining uchinchi darajali jarohati, ya’ni yorilishi tashxisini qo‘yishgan. Agar tashxis milanlik shifokorlar tomonidan tasdiqlansa, u holda yarim himoyachining taxminan uch oy, eng yaxshisi ikki yarim oyni o‘tkazib yuboradi.

Bennaser may oyida tizzasidan olgan jarohati tufayli o‘tgan mavsum boshini o‘tkazib yuborgandi.

Yangilik manbasi – https://stadion.uz/