Ronaldinyo Maykl Jordan bilan birinchi uchrashuvini esga oldi

Mashhur braziliyalik futbolchi Ronaldinyo Milliy basketbol assosiasiyasi afsonasi Maykl Jordan bilan 2006 yilda Barselonada bo‘lib o‘tgan ilk uchrashuvini esladi. O‘shanda Maykl braziliyalik sobiq futbolchiga Nike Air Jordan 21 XXI PE krossovkalarini sovg‘a qilgandi.

«Bu o‘zgacha narsa edi. Jordan bilan boshqacha bo‘lishi mumkin emas edi. Bu unutilmas kun edi. O‘sha krossovkalar hali ham menda. Maykl men uchratgan eng buyuk odamlardan biri. Bu, albatta, unutilmas kun edi! Menda hali ham krossovkalar bor. Ular mening uyimda xavfsiz saqlanadi» – dedi Ronaldinyo.

Jordan eng buyuk (ko‘plab mutaxassislar va sobiq o‘yinchilar uni eng buyuk deb bilishadi) NBA o‘yinchilaridan biri hisoblanadi. U ikki karra Olimpiya chempioni (1984, 1992) va «Chikago Bullz» bilan olti karra NBA chempioni.

Yangilik manbasi – https://stadion.uz/