Luninni samolyotda e’tirof etishdi

Shanba kuni Madridning “Real” klubi Chempionlar ligasi finalida Dortmundning “Borussiya” jamoasini 2:0 hisobida mag‘lub etdi.

Andrey Lunin jamoa bilan Londonga gripp tufayli uchmadi, biroq keyinroq borishga qaror qildi. Ukrainalik futbolchi kubok uchun hal qiluvchi jangda maydonga tushmadi, biroq Lunin Chempionlar ligasining oldingi o‘yinlarida juda ko‘p foydali ishlarni amalga oshirdi.

Parvoz vaqtida Lunin uchayotgan samolyot komandiri karnay orqali barchaning e’tiborini tortdi. «Bizning bortimizda maxsus yo‘lovchi bor – Andrey Lunin.

Aynan uning sharofati bilan «Real» finalga chiqdi, shuning uchun Madrid klubi kimga yoqsa, Luninni olqishlashlarini so‘rayman», – dedi komandir.

Yangilik manbasi – https://stadion.uz/