«Chelsi» 17 yoshli braziliyalik himoyachi bilan shartnoma imzolamoqchi

Jurnalist Dankan Kaslsning xabar berishicha, «Chelsi» «Sport Resife» himoyachisi Pedro Limaning transferi borasida muzokaralar olib bormoqda.

Londonliklar 17 yoshli o‘ng qanot himoyachisi uchun 8 million yevro taklif qilishdi, Braziliya klubi prezidenti kelishuvni muhokama qilish uchun allaqachon Britaniya poytaxtiga uchib bo‘lgan.

Lima hali mamlakatda ishlash uchun ruxsatnoma olish huquqiga ega emasligi sababli, «Chelsi»ning sport direktorlari unga Yevropadagi faoliyatini «Strasburg»da boshlash variantini taklif qilishdi.

Klublar o‘rtasidagi muzokaralar «Manchester Siti» hamda Italiya va Ispaniyaning yetakchi klublari tomonidan qiziqish bo‘layotgan bir sharoitda davom etmoqda.

Yangilik manbasi – https://stadion.uz/