«Fiorentina» ustozi «Napoli»ning qiziqishlariga munosabat bildirdi

«Fiorentina» jamoasi bosh murabbiyi Vinchenso Italyano unga «Napoli»dan qiziqish borligi haqida gapirdi.

«O‘ylaymanki, «Napoli» prezidenti o‘sha yozda klubga qo‘ng‘iroq qilgan edi, lekin klub uni men bilan bog‘lanishiga ruxsat bermadi, shuning uchun u boshqa chora ko‘rmadi. De Laurentis o‘zini jentlmendek tutdi, men uni juda hurmat qilaman va bu haqda bilganimdan keyin bu yanada ortdi» – dedi «Fiorentina» ustozi.

«Napoli» joriy mavsumda uchta murabbiyni o‘zgartirdi. Jamoani hozirda Franchesko Kalsona boshqarmoqda, biroq u ham shu yozda jamoadan haydalishi mumkin.

«Napoli» 37 turda 52 ochko jamg‘argan va turnir jadvalida 9-o‘rinda bormoqda. Neapolliklar so‘nggi turda «Lechche» bilan uchrashadilar, o‘yin 26 may kuni bo‘lib o‘tadi.

Yangilik manbasi – https://stadion.uz/