Nevill «Chelsi» rahbariyatini futbolchilar bilan uzoq muddatli shartnomalar uchun tanqid qildi

«Manchester Yunayted»ning sobiq futbolchisi Gari Nevill «Chelsi» rahbariyatini yangi kelganlar bilan uzoq muddatli shartnomalar imzolash g‘oyasi uchun tanqid qildi.

“Sakkiz yillik shartnomalar har tomonlama yomon, chunki ular mantiqiy emas deb o‘ylayman. Ular yosh futbolchi uchun unchalik yaxshi emas. Pul katta va siz 21 yoki 22 yoshli yosh futbolchi bo‘lganingizda sakkiz yillik shartnomangiz bor deb o‘ylaysiz.

Klub sizni nazorat qiladi deb o‘ylashi mumkin, lekin yosh futbolchi: «Men boyman, men haqiqatan ham boyman» deb o‘ylaydi. Bu ba’zi odamlar uchun muammo, bu ularning fikrlashiga ta’sir qiladi», – dedi sobiq futbolchi.

35 turdan so‘ng «Chelsi» 48 ochko bilan Angliya Premyer-ligasi turnir jadvalida 9-o‘rinni egallab turibdi.

Yangilik manbasi – https://stadion.uz/