Upamekanoga Angliya Premyer-ligasidan qiziqish bor

«Bavariya» markaziy himoyachisi Dayo Upamekano «Manchester Yunayted»ning qiziqishlari ro‘yxatida.

Fransiyalik futbolchining Myunxendagi kelajagi 2026 yilgacha tuzilgan shartnomaga qaramay, so‘roq ostida. Jurnalist Rudi Galettining yozishicha, 25 yoshli futbolchi joriy mavsum oxirida «Bavariya»ni tark etishi mumkinligini to‘liq tan oladi. «Manchester Yunayted» markaziy himoyachiga jiddiy qiziqish bildirmoqda, chunki ular Rafael Varan va Xarri Maguayrdan ajralishi mumkin bo‘lgan sharoitda himoyasini kuchaytirmoqchi.

Transfermarkt portali Dayo Upamekanoning narxini 60 million yevroga baholamoqda. Futbolchi 2021 yilda “RB Leypsig”dan kelib qo‘shilganidan beri “Bavariya”da o‘ynamoqda.

Yangilik manbasi – https://stadion.uz/