Kapello: «Allegri Italiya derbisi oldidan ajoyib ishlarni amalga oshirdi»

“Milan”, “Yuventus”, “Real”, Angliya, Italiya va Rossiya terma jamoalarining sobiq ustozi Fabio Kapello “Yuventus”ning joriy mavsumdagi muammolari haqida gapirdi.

«Avvalo, Allegri Italiya derbisi oldidan «Yuventus»ni «Inter»ga yaqin tutib, ajoyib ishlar qildi. Bu ikki jamoani sifat jihatidan solishtirib bo‘lmaydi va hattoki hozirda ikkinchi o‘rinda borayotgan «Milan» ham «byankoneri»dan ko‘ra raqobatbardoshroq. «Inter»ga qarshi o‘yin «Yuventus» futbolchilariga ikki jamoa o‘rtasidagi farqni ko‘rsatdi va bu ularga katta ta’sir ko‘rsatdi.

«Inter» markaziy yarim himoyada yaxshiroq pozisiyaga ega va «Milan» chap qanotda Teo va Leao bilan 90 daqiqada hamma narsani qila oladi. «Yuventus»da Rabyo hal qiluvchi omil va «Yuventus»ning muammolari fransiyalik futbolchi eng yaxshi holatda bo‘lmagan paytda boshlangani bejiz emas», – deya Kapelloning so‘zlarini keltiradi Football Italia.

Ayni damda Turinning “Yuventus” klubi 29 uchrashuvda 59 ochko jamg‘argan holda A Seriya turnir jadvalida uchinchi o‘rinda bormoqda.

Yangilik manbasi – https://stadion.uz/