Pozitiv Klopp

«Liverpul» bosh murabbiyi Yurgen Klopp juma kuni matbuot anjumanida jurnalistlar bilan suhbatlashdi.

OAV vakillaridan biri savol bergan vaqtda Kloppning stol ustida yotgan telefoni titrab ketdi. Nemis ekranga qaradi va uni yig‘ilgan jurnalistlarga ko‘rsatdi.

«Tish shifokori qo‘ng‘iroq qilmoqda», dedi Klopp tabassum bilan va olomonning kulgisiga sabab bo‘ldi.

Klopp qo‘ng‘iroqqa javob bermadi, lekin keyinroq tish shifokoriga qo‘ng‘iroq qilishini aytdi. Shu bilan birga, u jurnalistning gapini to‘xtatgani uchun undan uzr so‘radi.

Yangilik manbasi – https://stadion.uz/