«MYU»ning sobiq yarim himoyachisi Anderson bir yil davomida Ronalduning uyida qanday yashagani haqida gapirib berdi

«Manchester Yunayted»ning sobiq yarim himoyachisi Anderson deyarli bir yil davomida Krishtianu Ronalduning uyida yashaganini aytdi.

«Kelishim bilan Krishtianuning uyiga bordim. Men undan juda minnatdorman. U bizni boqdi. Biz deyarli bir yil Ronalduning uyida yashadik. Biz ketishni xohlaganimiz uchun ketdik. Biz hech narsa sarflamadik. Ronaldu bizni mashg‘ulotlarga olib bordi, ovqatlantirdi, bizga oshpaz yolladi. Uyning ichida va tashqarisida suzish havzasi, jakuzi va tennis korti bor edi», – dedi sobiq futbolchi Globo Esporte bilan suhbatda.

Portugaliyalik futbolchi 2016 yilda aytganidek, Anderson Ronalduning uyida «Manchester Yunayted» vingeri Nani bilan birga yashagan.

Anderson 2007 yilda 31,5 million yevro evaziga «Portu»dan «Manchester Yunayted»ga o‘tgan edi. Braziliyalik futbolchi «mankunianliklar» safida 181 ta o‘yin o‘tkazib, 9 ta gol urdi va 20 ta golli uzatmani amalga oshirdi.

Yangilik manbasi – https://stadion.uz/