Hozirgi va 2010 yildagi «Inter»ning qanday o‘xshashligi bor?

Sobiq braziliyalik futbolchi Duglas Maykonning aytishicha, hozirgi «Inter» jamoasi 2010 yilgi jamoa bilan umumiy jihatlarga ega.

2009/10 yilgi mavsumda “neradzurrilar” Joze Mourinyo boshchiligida A seriya, Italiya kubogi va Chempionlar ligasida g‘olib chiqishdi.

Maykonning o‘zi o‘ng qanot himoyachisi sifatida o‘ynab, bu jamoaning bir qismi edi.

«Inter» ajoyib mavsumni o‘tkazmoqda. O‘tgan mavsumda Chempionlar ligasi finaliga chiqishlarini hech kim kutmagandi. Hozirgi jamoani 2010 yilda trebl yutgan jamoa bilan nima birlashtiradi?

Menimcha, kuchli himoya, shuningdek, Lautaro Martinesda ajoyib hujumchi. Umid qilamanki, bu safar “Inter” yana Chempionlar ligasida to‘liq yo‘lni bosib o‘tadi”, – dedi Maykon.

Yangilik manbasi – https://stadion.uz/