A Seriya. «Napoli» ikkinchi bo‘limga qo‘shib berilgan 6-daqiqada gol urib, «Salernitana»ni arang yengdi

A seriyaning 20-turida “Napoli” mavsumning eng yomon jamoasi “Salernitana”ni qabul qildi va shunday raqib bilan bahsda ham deyarli ochko yo‘qotishiga bir bahya qoldi.

29-daqiqada autsayderning kamdan-kam uchraydigan hujumi Antonio Kandrevaning uzoq masofadan gol urish urinishi bilan yakunlandi.

Matteo Politano esa hisobni tenglashtirdi – 1:1. 

Final hushtagi yangraguncha “Napoli”ning bosimi kuchaydi, Xvicha Kvarasxeliya o‘z imkoniyatini boy berdi – darvozabon yordamga keldi. Qo‘shib berilgan vaqtning oltinchi daqiqasida ham Amir Rrahmani to‘pni darvozaga yo‘lladi – 2:1.

Uchta omadsizlikdan so‘ng, “Napoli” nihoyat g‘alaba qozondi va oltinchi o‘ringa ko‘tarilib oldi.

Yangilik manbasi – https://stadion.uz/