«Napoli» ustozi: «Yanvar oyidagi transferlar tufayli klubda inqilob bo‘lishini kutmayman»

«Napoli» bosh murabbiyi Valter Massarri neapolliklar klubi qishki transfer oynasida tarkibni kuchaytirishni rejalashtiryaptimi, degan savolga javob berdi.

«Yanvar oyidagi transferlar tufayli klubda inqilob bo‘lishini kutmayman. Bu mumkin emas. Mavjud futbolchilar haqida gapirishni afzal ko‘rishimni yaxshi bilasiz. Men futbolchilarga o‘tgan yilgi o‘yin darajasiga qaytishlariga yordam bermoqchiman», – dedi Massarri Corriere dello Sport bilan suhbatda.

Eslatib o‘tamiz, «Napoli» Italiyaning amaldagi chempioni hisoblanadi, biroq joriy A Seriyada 17 turdan so‘ng neapolliklar 27 ochko jamg‘arib, ayni damda yettinchi o‘rinda bormoqda. Massarri shogirdlari birinchi o‘rinda borayotgan «Inter»dan 17 ochko ortda qolmoqda.

Yangilik manbasi – https://stadion.uz/