Moriba La Ligaga qaytishi mumkin

«Barselona»ning sobiq yarim himoyachisi Ilayks Moriba Ispaniya La Ligasining boshqa jamoasi bilan shartnoma imzolashga yaqin turibdi.

Jurnalist Fabrisio Romanoning xabariga ko‘ra, 20 yoshli gvineyalik futbolchi tez orada «Xetafe»ga o‘tadi.

Eslatib o‘tamiz, 2021 yilning yozida Moriba “Barselona”ni tark etib, 16 million yevro evaziga “RB Leypsig”ga o‘tdi va u yerda u butunlay muvaffaqiyasizlikka uchradi.

Futbolchi o‘tgan mavsumni «Valensiya»da ijarada o‘tkazdi va u yerda yaxshi o‘yin ko‘rsata olmadi. «Xetafe» Moribani sotib olish sharti bilan ijaraga olyapti.

Futbolchining “RB Leypsig” bilan shartnomasi 2026 yilning iyuligacha amal qiladi. Gvineyalik futbolchi joriy mavsumda Bundesligada birorta ham o‘yin o‘tkazmadi.

Yangilik manbasi – https://stadion.uz/