Kroos: «Futbolchilar Saudiyaga pul uchun ketishmoqda»

Madridning “Real” klubining germaniyalik yarim himoyachisi Toni Kroos eng yaxshi futbolchilarning Saudiya Arabistoni va MLS klublariga ommaviy transferi borasidagi fikrlari bilan o‘rtoqlashdi va 38 yoshli hujumchi Krishtianu Ronalduning “An-Nasr”ga o‘tganini ham misol qilib keltirdi.

«Saudiya Arabistoniga o‘tish men uchun turli muammolar tufayli MLSga qaraganda futbolga salbiy ta’sir ko‘rsatish nuqtai nazaridan qiyinroq. Va bu pul haqida ham emas. Inson huquqlari? Ha, bu meni bunday o‘tishga to‘sqinlik qiladigan narsalardan biri. Lekin bu qarorni har kim o‘zi uchun qabul qilishi kerak, xuddi o‘z faoliyatining oxirida buni qilishga qaror qilgan Krishtianu Ronaldu kabi.

Biroq faoliyatining cho‘qqisida bo‘lgan, Yevropaning top-klublarida o‘ynash uchun sifatlarga ega bo‘lgan futbolchilar bunday qadamlar tashlashga qaror qilishsa, juda qiyin bo‘ladi. Va keyin ular u yerda ambisiya va unvonlar uchun o‘ynashlarini aytishadi, lekin hammasi pulda. Bundan buyon esa hammamiz biladigan va sevadigan futbol uchun qiyin bo‘ladi», – dedi Kroos Sports Illustrated bilan suhbatda.

Yangilik manbasi – https://stadion.uz/