Messining rejalari oydinlashdi

“Inter Mayami” MLS pley-off bosqichiga chiqa olmadi. Demak, Xerardo Martino jamoasi uchun futbol mavsumi tez orada yakunlanadi. Mish-mishlar Lionel Messini «Barselona» yoki Saudiya Arabistonidagi klublardan biriga ijaraga berishi mumkinligi haqida gapira boshladi. Biroq yulduz argentinalik futbolchi jamoasini almashtirish niyatida emas. Bu haqda nufuzli insayder Fabrisio Romano ijtimoiy tarmoqlarda xabar berdi.

Romanoning so‘zlariga ko‘ra, Messining yaqin oylar uchun taqvimi allaqachon rejalashtirilgan — “Inter Mayami” bilan tadbirlar, terma jamoa uchun o‘yinlar, ta’til va mavsumoldi yig‘in. Leo to‘liq e’tiborini hozirgi klubiga qaratgan va hech narsani o‘zgartirmaydi.

Yangilik manbasi – https://stadion.uz/