Xummels uzoq tanaffusdan keyin Germaniya terma jamoasiga chaqirildi

Juma kuni Yulian Nagelsmann Germaniya terma jamoasiga oktyabr oyidagi yig‘inga chaqirgan futbolchilar ro‘yxati e’lon qilindi. Ro‘yxatga himoyachi Mats Xummels kiritilgan.

Xummelsning chaqirig‘i e’tiborga molik, chunki u oxirgi marta Germaniya terma jamoasi uchun 2021 yilning yozida Yevropa chempionatida o‘ynagan. O‘shandan beri himoyachi «Bundestim»ga chaqirilmagan.

Mats Xummels 34 yoshda. 2023/2024 yilgi mavsumda himoyachi sakkizta o‘yin o‘tkazib, ikkita gol urdi.

Oktyabr oyida Germaniya terma jamoasi AQSH va Meksikaga qarshi o‘rtoqlik o‘yinlari o‘tkazadi. O‘yinlar mos ravishda 14 va 18 oktyabr kunlari bo‘lib o‘tadi.

Yangilik manbasi – https://stadion.uz/