Deklan Rays 200 ming «Arsenal» muxlisini YECHL finaliga chorladi

«Arsenal» yarim himoyachisi Deklan Rays «to‘pchilar» muxlislarini joriy mavsumdagi Chempionlar ligasi finaliga kelishga chaqirdi. Turnirning hal qiluvchi bahsi 2026 yil 30 may kuni Budapeshtdagi «Pushkash Arena» stadionida bo‘lib o‘tadi.

«Qani, olg‘a – men tayyor bo‘laman. Budapesht, men stadionda barcha «Arsenal» muxlislarini ko‘rishni istayman. 200 ming kishi, kelinglar! Keling, bu oqshomni haqiqatan ham o‘ziga xos qilaylik. Men doim aytganman, bu klub – shunchaki klub emas. Bu — oila. Biz bir-birimizni qo‘llab-quvvatlaymiz. Aynan mana shu jipslik bizni hozirgi darajamizga olib keldi», — deya Raysning so‘zlarini keltiradi mashhur insayder Fabrisio Romano o‘zining X ijtimoiy tarmog‘idagi sahifasida.

Eslatib o‘tamiz, «Arsenal» yarim finalda «Atletiko Madrid»ni mag‘lub etib, final yo‘llanmasini naqd qilgan edi. Ularning finaldagi raqibi bugun tunda bo‘lib o‘tadigan «Bavariya» — «PSJ» bahsidan so‘ng ma’lum bo‘ladi.

Yangilik manbasi – https://stadion.uz/