«Inter Mayami» ustozi: «Dunyoning eng yaxshi murabbiyi maydonda, uning ismi — Lionel Messi»

«Inter Mayami» bosh murabbiyi vazifasini bajaruvchi Gilyermo Oyos hujumchi Lionel Messini noodatiy tarzda maqtadi. 38 yoshli futbolchi MLS doirasidagi «Kolorado Repids»ga qarshi o‘yinda (3:2) dubl qayd etib, «chaykalar»ga (jamoa laqabi) g‘alaba qozonishda yordam berdi.

«Dunyoning eng yaxshi murabbiyi maydonda — va bu Leo Messi. Biz esa shunchaki yo‘naltiruvchilarmiz», — deya Oyosning so‘zlarini Inter Miami News Hub nashri keltirmoqda.

Vaqtinchalik murabbiy bu lavozimni yaqindagina egallagan edi — u iste’foga chiqqan Xavyer Maskeranoning o‘rnini egalladi. Lionel Messi MLSning joriy mavsumidagi to‘purarlar ro‘yxatida yettita o‘yinda yettita gol bilan ikkinchi o‘rinni egallab turibdi. Undan yuqorida faqat «Dallas» futbolchisi Petar Musa bor (9 ta gol).

Yangilik manbasi – https://stadion.uz/