Kurtua: «Bu mavsumda Mbappe butunlay boshqacha»

Madridning «Real» klubi darvozaboni Tibo Kurtua hujumchi Kilian Mbappening kayfiyati qanday o‘zgarganini aytib berdi.

Belgiyalik futbolchi klubga kelganidan keyin fransuzning debyut mavsumi moslashuvga ketganini tan oldi, ammo endi u o‘zini topdi va jamoa yetakchisiga aylandi.

«Bu mavsumda Mbappening kayfiyati umuman boshqacha – u g‘oliblik mentalitetini namoyish etmoqda. Uning yetakchi ekanligi hammaga ko‘rinib turibdi. O‘tgan mavsumda u yangi jamoaga moslashish va maydondagi roli tufayli qiyinchiliklarga duch keldi, endi esa bizni o‘z ortidan ergashtirmoqda,» – deya Kurtuaning so‘zlarini keltiradi Madrid Universal.

Yakshanba kuni «qaymoqranglilar» La Liganing 13-turida «Elche» mehmoni bo‘ladi.

Yangilik manbasi – https://stadion.uz/