«Manchester Siti» Xolandga murojaat qildi

21 iyul, dushanba kuni hujumchi Erling Xoland tug‘ilgan kunini nishonlamoqda. Norvegiyalik to‘purar 25 yoshga to‘ldi. Shu munosabat bilan «Manchester Siti» ijtimoiy tarmoqlarda post qoldirdi.

«Tug‘ilgan kuningiz bilan, bizning to‘qqizinchi raqamimiz – Erling Xoland!» – deyiladi «Manchester Siti» xabarida.

Erling Xoland «Manchester Siti»da uch mavsum o‘tkazdi. Bu vaqt ichida hujumchi 146 ta o‘yin o‘tkazib, 124 ta gol urdi va sheriklariga 21 ta golli uzatmani amalga oshirdi.

Yangilik manbasi – https://stadion.uz/