Ronaldu «An-Nasr» bilan og‘zaki kelishuvni buzishi mumkin

Krishtianu Ronaldu yaqinda «An-Nasr» bilan shartnomasini yana bir mavsumga, 2026 yilning yoziga qadar uzaytirish borasida og‘zaki kelishuvga erishdi. Ushbu shartnoma Ronalduga yana 200 million yevro ishlab olish imkonini berishi mumkin edi.

Ronaldu bilan shartnomani uzaytirish shunchaki rasmiyatchilikdek tuyuldi, ammo endi yulduz forvard kelishuvni buzishi mumkin.

Osiyo chempionlar ligasiga yo‘l ola olmaslik Krishtianuni kelajak haqida o‘ylashga majbur qildi. Bu haqda TEAMtalk vaziyatdan xabardor manbalariga tayanib xabar bermoqda. 40 yoshli Krishtianu Ronaldu «An-Nasr»ning sport ambisiyalariga shubha qilmoqda, shuning uchun u boshqa jamoani tanlashi mumkin.

Yangilik manbasi – https://stadion.uz/