Reshford FIFA kunlariga qadar jarohatidan forig‘ bo‘lmoqchi

Markus Reshford jarohati sabab «Aston Villa»da mavsumning qolgan qismini o‘tkazib yuborishi kutilmoqda.

27 yoshli hujumchi «Manchester Siti»ga (1:2) qarshi o‘yinning birinchi bo‘limida jarohat oldi.

«Mark Reshford sonining orqa qismidagi jarohati tufayli katta ehtimol bilan mavsumning qolgan qismini o‘tkazib yuboradi. Unga jarrohlik amaliyoti kerak bo‘lmaydi, tiklanish jarayoni «Aston Villa» hududida davom etmoqda, hozircha qo‘shimcha tekshiruvlar davom etmoqda.

Nazariy jihatdan uning «Tottenxem»ga qarshi o‘yinda [18 may] ishtirok etishi mutlaqo istisno qilinmagan, ammo buning ehtimoli juda kam – 27 yoshli hujumchi uchun mavsum allaqachon yakunlangan, katta ehtimol bilan.

Reshfordning asosiy maqsadi – Angliya terma jamoasining iyun oyidagi o‘yinlariga qadar tiklanib olishga ulgurish,» – deya insayder Devid Ornsteynning so‘zlarini keltiradi The Athletic.

Yangilik manbasi – https://stadion.uz/