«Inter» hujumchisi bir nechta o‘yinni o‘tkazib yuboradi

Markus Tyuram jarohati sabab «Inter»ning bo‘lajak o‘yinlarini o‘tkazib yuborishi mumkin.

Milan klubi hujumchining o‘ng sonining qo‘shimcha mushaklarida muammo borligini tasdiqladi. Futbolchi avvalroq klub bazasida tibbiy ko‘rikdan o‘tgan, endi uning ahvoli har kuni nazorat qilinadi.

Fransiyalik futbolchi yakshanba kuni A Seriyada «Bolonya»ga qarshi o‘yinni o‘tkazib yuboradi. Uning o‘rnini Marko Arnautovich egallashi kutilmoqda.

Tyuram chorshanba kuni Italiya kubogi yarim finalida «Milan»ga qarshi javob o‘yinini ham o‘tkazib yuborishi mumkin.

Taxminlarga ko‘ra, futbolchi 26 aprel kuni «Roma»ga qarshi A Seriya o‘yiniga yoki 30 aprel kuni «Barselona»ga qarshi Chempionlar Ligasi yarim finalining birinchi o‘yiniga qaytishi mumkin.

Yangilik manbasi – https://stadion.uz/