Eberl: «Ikkala o‘yinda ham «Inter»dan kam emasdik»

Maks Eberl «Bavariya»ning Chempionlar ligasidan chiqib ketishi haqida gapirdi.

Myunxenliklar YECHL chorak finalida “Inter”ga umumiy hisobda 3:4 hisobida imkoniyatni boy berishdi.

«Barcha jamoalar bir xil darajada bo‘lgan Chempionlar ligasining chorak finaliga chiqsangiz, yuqori tarkibga ega bo‘lishingiz kerak. Bizda jarohatlar bor edi. Hozircha katta o‘zgarishlar bo‘ladi, deya olmayman. Biz jarohatlardan qochishimiz kerak.

O‘ylaymanki, biz ikkala o‘yinda ham yomon bo‘lmaganmiz. Ehtimol, yanada muvaffaqiyatli jamoa oldinga bordi. Biz borimizni berdik, lekin burchak to‘plardan ikkita gol o‘tkazib yubordik. Biroq o‘yinga qaytdik va hisobni 3:2 ko‘rinishiga keltirish uchun imkoniyatlarga ega bo‘ldik, ammo yakunda uddasidan chiqa olmadik», – dedi “Bavariya” sport direktori.

Yangilik manbasi – https://stadion.uz/