Mourinyo top jamoani boshqarishi mumkin

Portugaliyalik murabbiy, hozirda Istanbulning “Fenerbaxche” klubi bosh murabbiyi Joze Mourinyo boshqa ishga o‘tishi mumkin. Bu haqda Todofichajes portali sahifalarida xabar berildi.

Manbaga ko‘ra, 62 yoshli mutaxassis bilan Braziliya terma jamoasi qiziqish bildirmoqda. Avvalroq matbuotda Karlo Anchelotti va Pep Gvardiolalar ham «Selesao» bosh murabbiyi lavozimiga ko‘rib chiqilayotgani haqida xabarlar tarqalgan edi.

Mourinyo o‘tgan yozda turk klubiga kelgan edi. U va «Fenerbahche» o‘rtasidagi amaldagi mehnat shartnomasi 2026 yilning iyun oyi oxirida tugaydi.

Yangilik manbasi – https://stadion.uz/