Saka «Arsenal»ning 21 ta o‘yinida 19 ta golda ishtirok etdi – bu Premyer-liga vakillari orasida ikkinchi ko‘rsatkich

Londonning «Arsenal» klubi vingeri Bukayo Saka yana sermahsul harakat qildi.

23 yoshli futbolchi bugun Chempionlar ligasi doirasida «Monako»ga qarshi o‘yinning 34-daqiqasida hisobni ochdi. Squawka xabariga ko‘ra, Saka joriy mavsumda «kanonirlar» safida barcha musobaqalarda 21 ta o‘yinda 19 ta golda ishtirok etgan (8 gol va 11 golli uzatma). Angliya Premyer-ligasining barcha vakillari orasida faqat «Liverpul»dan Muhammad Saloh yanada ajoyib ko‘rsatkich bilan maqtana oladi – misrlik 28 ta golda bevosita ishtirok etgan.

Bukayo Sakaning aniq zarbasi «Arsenal» – «Monako» uchrashuvining birinchi bo‘limida yagona bo‘lib qoldi.

Yangilik manbasi – https://stadion.uz/