Endrik bu qishda «Real»ni tark etmaydi

«Real Madrid» hujumchisi Endrik klubda qoladi.

Taniqli jurnalist Fabrisio Romanoning ma’lum qilishicha, «Real» qishda braziliyalik hujumchi bilan xayrlashmoqchi emas, Endrikning o‘zi ham hech qayerga ketishni rejalashtirmagan. Shunday qilib, braziliyalikning Angliya klublariga ijara asosida o‘tishi haqidagi mish-mishlar haqiqatga to‘g‘ri kelmaydi.

18 yoshli futbolchi joriy mavsumda Ispaniya chempionatida «qaymoqranglilar»ning sakkizta o‘yinida ishtirok etib, bitta gol urdi va bitta golli uzatmani amalga oshirdi. Endrik yozda Braziliyaning «Palmeyres» klubidan «Real»ga o‘tdi, transfer miqdori taxminan 50 million yevroni tashkil etdi.

Yangilik manbasi – https://stadion.uz/