Myunxenning «Bavariya» klubida o‘ynayotgan markaziy himoyachi Matteys de Ligt Angliya Premyer-ligasiga o‘tishi mumkin. Bu haqda The Mirror nashri xabar bermoqda.

Manbaning xabariga ko‘ra, niderlandiyalik futbolchiga «Manchester Yunayted» jiddiy qiziqish bildirmoqda. «Qizil iblislar» rahbariyati de Ligtning transferi uchun 53 million yevro taklif qilishga tayyor. Qayd etilishicha, futbolchining o‘zi allaqachon «mankunianliklar» bilan shaxsiy kelishuv shartlarini kelishib olgan. Himoyachining myunxenliklar bilan shartnomasi 2027 yilning o‘rtalariga qadar tuzilgan. Transfermarkt ma’lumotlariga ko‘ra, de Ligtning bozor qiymati 65 million yevroga baholanmoqda.

Yangilik manbasi – https://stadion.uz/