Meksikalik professional bokschi, yarim yengil vazn toifasida WBO kamari sohibi Rafael Espinozaning navbatdagi jangi tafsilotlari ma’lum bo‘ldi.

U sobiq jahon chempioni, kubalik Robeysi Ramiresga qarshi ringga ko‘tariladi. Jamoalarga muzokara o‘tkazish uchun 15 kun muddat berildi. Agar kelishuvga erishilmasa, kimoshdi savdosi e’lon qilinadi.

Bu jang Espinoza va Ramires o‘rtasidagi ikkinchi qarama-qarshilik bo‘ladi. Ular ilk bor 2023 yilning dekabr oyida uchrashishgandi. O‘shanda Rafael Espinoza hakamlar qarori bilan g‘alaba qozonib, jahon chempioniga aylangan edi.

Ushbu vaznda o‘z janglarini o‘tkazayotgan WBA kamari uchun sobiq da’vogar bokschimiz Otabek Xolmatov WBO reytingiga kiritilmagan.

Manba: Ўзбекистон профессионал бокс федерацияси матбуот хизмати

Yangilik manbasi – https://stadion.uz/