Angliyada «Liverpul» Isakni o‘z safiga qo‘shib olsa qanday o‘ynashini taxmin qilishdi

«Liverpul» rekord darajadagi transferni tayyorlamoqda: tez orada «Nyukasl» forvardi Aleksandr Isak sotib olinishi mumkin. «Hakkalar» uzoq vaqt davomida shved bilan xayrlashishni istamadi, biroq endi Nik Voltemade kabi o‘rinbosar topilgach, «qizillar»ning taklifini tinglashga tayyor.

Ingliz ommaviy axborot vositalarining ta’kidlashicha, Arne Slot jamoaning barcha hujumkor yulduzlarini, shu jumladan yangi kelgan Isakni joylashtirish uchun taktik sxemani o‘zgartirishi ehtimoli yuqori. Aleksandr hujum markazida Yugo Ekitike bilan duet tuzadi – shu bilan birga, ikkalasi ham aniq pozisiyaga ega bo‘lmaydi, ular markazda va qanotlarga ham o‘tishi mumkin. Chap tomonda Florian Virs, o‘ng tomonda Muhammad Saloh joylashishi mumkin. Ikkala nominal vinger ham markazga siljishga intiladi, shuning uchun ular qanotlarga bog‘lanmaydi. Markazda o‘ta hujumkor chiziqni ikki yarim himoyachi – Aleksis Mak Allister va Rayan Gravenberx muvozanatga keltiradi.

Yangilik manbasi – https://stadion.uz/